የኢትዮጵያ ጠቅላይ ሚኒስትር በነበሩት አቶ መለስ ዜናዊ ሞት ምክንያት ከአንድነት ለዴሞክራሲና ለፍትሕ ፓርቲ (አንድነት) የተሰጠ መግላጫ

አንድነት ለዴሞክራሲና ለፍትሕ ፓርቲ (አንድነት)

UNITY FOR DEMOCRACY AND JUSTICE PARTY (UDJ)

ቁጥር አንድነት /592/2ዐዐ4

        ቀን 16/12/2ዐዐ4 ዓም

የኢትዮጵያ ጠቅላይ ሚኒስትር በነበሩት አቶ መለስ ዜናዊ ሞት ምክንያት

 ከአንድነት ለዴሞክራሲና ለፍትሕ ፓርቲ (አንድነት)

 የተሰጠ የሃዘን መግለጫ

እኛ እንደ ተቃዋሚ ፓርቲም ሆነ እንደ ዜጋ ሁልጊዜም የአገር ደህንነት፤ የሕዝብ ሠላም መረጋጋት፣ ብልጽግናና ነፃነት ያሳስበናል፡፡ ያስጨንቀናል፡፡ በመሆኑም ለሕዝቦች እኩልነት ወንድማማችነትና ለዴሞክራሲያዊ ሥርዓት ግንባታ ያላሰለሰ ጥረት በማድረግ ላይ በአለንበት ፈታኝ ወቅት ጠቅላይ ሚኒስትር የነበሩት አቶ መለስ ዜናዊ በድንገት ሕይወታቸው በማለፉ ለቤተሰቦቻቸውና ለወዳጆቻቸው የተሰማንን ጥልቅ ሃዘን እየገለጽን እግዚአብሔር መጽናናትን እንዲሰጣችሁ እንመኝላቸዋለን፡፡

በዚህ አጋጣሚ ኢህአዴግና በእሱ የሚመራው መንግሥት በከፍተኛ የኃላፊነት መንፈስ ሕጋዊና ሠላማዊ የሥልጣን ሽግገር እንዲያከናውን እየጠየቅን የአገርን ልዑአላዊነት ደህንነት የሕዝብን ሠላምና መረጋጋት የማስጠበቅ ታሪካዊና አገራዊ ከፍተኛ ኃላፊነት እንዲወጣ አጥብቀን እናሳስባለን፡፡

ሠላምና ብልጽግና

ለኢትዮጵያና ለሕዝቦቿ እንመኛለን!

አንድነት ለዴሞክራሲና ለፍትሕ ፓርቲ (አንድነት)

ነሐሴ 16 ቀን 2ዐዐ4 ዓም

አዲስ አበባ

የቢሮ ስልክ  ዐ11 8 4ዐ ዐ8 11   ፖሣቁ 4222