የ119ኛው የአድዋ ድል በዓል በኖርዌይ በስታቫንገር ከተማ እሁድ የካቲት
19.2007 ዓ.ም ቁጥራቸው በርከት ያሉ ኢትዮጵያን በተገኙበት በደመቀ ሁኔታ ተከበሮ ዋለ፡፡ 
ዴሞክራሲያዊ
ለውጥ በኢትዮጲያ ድጋፍ ድርጅት በኖርዌይ የስታቫንገር ቅርንጫፍ ጽ/ቤት ባዝጋጀው 119ኛው የአድዋ ድል በአል ላይ ከተለያዩ
የከተማው አካባቢ የተሰባሰቡ ኢትዮጲያዊያን የተገኙ ሲሆን የቅርንጫፍ ጽ/ቤቱ ስብሳቢ በአሉን በተመለከት ስፊ የመክፈቻ ንግግር አድርገው በአሉን አስጀምረዋል፡፡
በማስከተልም በቅደም ተከተል
የድርጅቱ(የቅርንጫፉ) አባላት የአድዋን ድል በአል ታሪካዊ ክንውንና አሁን በሃገራችን ያለውን ዘረኛው የወያኔ ፋሽስት ቡድን
በሃገራችንና በሕዝብ ላይ የሚያደርሰውን መረን የለቀቀ ግፍና ሰቆቃ በድምጽና በምስል በተደገፈ ማስረጃ እጅግ ማራኪ ብሆነ መልኩ
ለታዳሚው አቅርበዋል፡፡ በተጨማሪም የማርች 8 የሴቶች በአልን ምክንያት በማድረግ በዚሁ ሁለት መሰረታዊ ክብረ
በአላትን ለማክበር የታድሙ ሴት እህቶቻችን (የጣይቱ ልጆች)የአደዋን ሴት አርበኞች ገድልና በአሁኑ ወቅት በሃገራችን ኢትዮጲያ
በሴቶች ላይ የሚደርሰውን ዘርፈ ብዙ የሰብአዊ የመብት ጥሰቶችን በማውሳት የዘመናችንን ሴት የነጻነት ታጋዮች ሲዘክሩ
አምሽተዋል፡፡እጅግ መሳጭ በሆነና ቀልብን ሰቅጦ በያዝ ትንታኔ ታዳሚውን አስደምመው አምሽተዋል፡፡ በማስከተልም በሃገራችን
ወቅታዊ ጉዳይ ላይ ሰፊ ውይይት ተደርጓል፡፡
``ዘራፊ ዘራፍ የማለት ሞራል የለውም !!
(አሌክስ አብርሃም)
አንድ የገባኝ ነገር የቱንም ያህል በወኔ የሚከበር የሚያኮራና የእውነት ታሪክ ቢኖር ዘራፊ ዘራፍ የማለት ሞራል የለውም !! ዘራፍ ባዮችንም ይፈራል ይጠላል !! የእውነትና የነፃነት ልጆች ግን አንገታቸውን ቀና አድርገው የተደረገላቸውን በተደረገላቸው ልክ ይመሰክራሉ !! ታሪክን ማድበስበሻ ቁርሾ አነፍንፈው አይፈለጉም … ዛሬን ለማድመቅ የትላንትን ብርሃን ከትውልድ ፊት አይከልሉም ! ይሄንኑ ነው ያደረግነው ዛሬ !!
በአደባባይ ቀና ብለን እንዲህ አልን …ከእናተ በኋላ የተሰራው በጎ ነገር ሁሉ ከእኛም በኋላ የሚሰራው ማንኛውም ታላቅ እና ታናሽ ነገር … የእናተ መሰረት ነው !!
የትኛውም የአገሪቱ ክፍል የትኛውም የአገሪቱ አፈር ሰማይና አየር ላይ የከፈላችሁልን የፍቅርና የክብር እዳ በክብር ተፅፎ ይነኖራል !!ኢትዮጲያዊነታችንን ካደፈ ውርደት አንገት ከሚያስደፋ የታሪክ ጭቅቅት በደማችሁ አጥባችሁ የሰጣችሁን እናተ ናችሁ !!
ክብር ለአድዋ ጀግኖች …ክብር ስለዚች አገር በተግባር በሃሳብ በመንፈስ ሁሉ ቀናውን ላሰቡ ! ቀናውን ለከፈሉ ንፁኃን ጀግኖች ሁሉ !
መልካም የአድዋ በዓል !! ’’
መልካም የአድዋ በዓል !! ’’
ድል ለኢትዮጲያ ሕዝብ!!!
Ftih_lewegen
No comments:
Post a Comment