ከዘመናት በፊት ለስብህናው ዋጋ የሚሰጠው፣ በየትኛውም አስቸጋሪ ሁኔታ ውስጥ ቢያልፍ የሰው እጅ አይቶና ለምኖ ማደርን የማይፈቅደው የሃገሬ ሰው፣ ለእምነቱና ለክብሩ ሟች የነበረው ወገኔ ይኸው በዚህ ዘመን በሃገሩ በልቶ የመኖር ዋስትና አጥቶ፣ ድርሻውን በጥቂት ዘረኞች ተነጥቆ ኑሮው የምድር ሲኦል ሆኖበት ክብሩን አዋርዶና ነውር ትቶ ነብሱን ለማቆየት ይህንን የመሰለ ዘግናኝ የለት ከለት ኑሮ ይገፋል በመሃል አዲስ አበባ፡፡ ስለልማት፣ ስለተሰራው መንገድ፣ ባለጊዜዎች ስለገነቡት ህንፃ የምናወራ ጉደኞች፣ እድገት ምናምን እያልን የምናዜም አንድ ትውልድ ያመከንን ከንቱዎች፣ ወገኖቻችን በእንደዚህ አይነት የሰቀቀን ህይወት ውስጥ እያይን ከራሳችን ባለፈ ማሰብ ተስኖን እንደቀትር እባብ ከደሃው ቀምተን ባገኘነው ሃብት የምንንፈላሰስ ከንቱዎች ጥሩም ሆነ መጥፎ መንግሰታት ያልፋሉ ሃገርና ሕዝብ ግን ህያው ናችው፡፡ ያኔ ምን ይውጣችሁ ይሆን . . . . . . . .
ከ100.000 በላይ ኢትዮጵያውያን በመደበኛነት ከቆሻሻ ገንዳ የተደፉ ምግቦችን በመሰብሰብ ይመገባሉ::ይህ የሚያሳየው ሃገራችንን የሚያስተዳድረው የወያኔ ጁንታ 11% እድገት አለ እያለ ቢሆንም ዉሸት መሆኑን ነው ::ወያኔ እየደረሰበት እያለው ኪሳራ መውድቂያው በመሆኑ ህዝቡን ለከፋ ችግር ዳርጎታል::
የኢትዮጵያ ህዝብ ሃያ አንድ አመት ሙሉ ከቀለደበት የወያኔ ኢህአዴግ አገዛዝ እጅግ በጣም የተሻለ አማራጭ ኃይል እንዳለዉና ይህንን ለኢትዮጵያ አንድት፤ ለህዝቦቿ እኩልነትና ነፃነት በቆራጥነት የቆመዉን አማራጭ ኃይል የኢትዮጵያ ህዝብ በፍጥነት እንዲቀላቀልና የትግሉን የመጨረሻ ምዕራፍ እንዲጀምር የግንቦት ሰባት ህዝባዊ ኃይል አገራዊ ጥሪ አደረገ። የወያኔ ንቀት፤ጥላቻና ህዝብን ማሸበር ማብቃት አለበት ብለዉ አምርረዉ በተነሱ ወጣቶች፤ምሁራንና ወታደሮች በቅርቡ የተቋቋመዉ የግንቦት ሰባት ህዝባዊ ኃይል በላፈዉ ሳምንት እንዳሳወቀዉ በወያኔ ተራ ካድሬዎች መረገጥና እየተገፋ እስር ቤት መወርወር የሰለቸዉ ኢትዮጵያዊና በአጠቃላይ ኢትዮጵያ ዉስጥ በህዝብ ነጻ ፍላጎት ተመስርቶ ህዝብን በታማኝነት የሚያገለግል ስርአት ለመመስረት ምትፈልጉ ኢትዮጵዉያን ሁሉ ወያኔ እስካለ ድረስ ይህንን ህዝባዊ ስርአት ካለመስዋዕትነት ማምጣት አይቻልምና ለድል ሊያበቃን የሚቸለዉን መስዋዕትነት ለመክፈል እያንዳንዱ ኢትዮጵያዊ በተጠንቀቅ እንዲቆም አገራዊ የአደራ ጥሪዉን አስተላልፏል። የግንቦት ሰባት ህዝባዊ ኃይል ይህንን ጥሪ ያደረገዉ የወያኔ ህወሀት ተሸካሚ ፈረስ የሆነዉ ኢህአዴግ ካለፈዉ ቅዳሜ መጋቢት 14 ቀን እስከዛሬ ማክሰኞ መጋቢት 17 ቀን ድረስ ባህርዳር ላይ ጌታዉን ተሸክሞ ያካሄደዉን ትርጉም የለሽ የወሬ ጉባኤ አስመልክቶ ለኢትዮጵያ ህዝብ ባስተላለፈዉ መልዕክት ነዉ።
